ՕՊԵԿ-ը ճշգրտել է Ադրբեջանի վերաբերյալ կանխատեսումը

Նավթ արտահանող երկրների կազմակերպությունը (ՕՊԵԿ) փոքր-ինչ բարձրացրել է՝ Ադրբեջանում 2020 թվականի համար նավթի միջին օրական արդյունահանման վերաբերյալ կանխատեսումը:

Ավելի վաղ ՕՊԵԿ-ը կանխատեսում էր, որ այս տարի երկրում նավթի միջին օրական արդյունահանումը կկազմի 0.79 միլիոն բարել: Նոր կանխատեսման համաձայն՝ 2020 թ. երկրում նավթի միջին օրական արդյունահանումը կկազմի 0,80 միլիոն բարել:

Զեկույցում նշվում է, որ անցյալ տարի Ադրբեջանում նավթի միջին օրական արդյունահանումը կազմել է 0,79 միլիոն բարել: