Նախարար. Վրաստանն Ադրբեջանի կարևորագույն գործընկերներից է

Արդեն երկար տարիներ է ադրբեջանական ընկերություններն ու ձեռնարկությունները միջոցներ են ներդնում այլ երկրների տնտեսության մեջ: Այս մասին հայտարարել է Ադրբեջանի էկոնոմիկայի նախարար Միքայիլ Ջաբբարովը:

«Նման երկրներից մեկն էլ Վրաստանն է, և սա բնական է, եթե հաշվի առնենք նրա աշխարհագրական դիրքը և մեր պատմական կապերը: Վրաստանն Ադրբեջանի կարևոր գործընկերն է: Ադրբեջանական ընկերությունները ակտիվ գործունեություն են ծավալում այս երկրում: Բաքու-Թբիլիսի-Ջեյհան, Բաքու-Թբիլիսի-Էրզրում, Բաքու-Թբիլիսի-Կարս նախագծերը, որոնց մասնակցեն մեր երկրները, մեծացնում են տարածաշրջանի տնտեսական նշանակությունը»,-նշել է նա: