«Իմ քայլը» խմբակցության անդամները նիստ են գումարել ՔՊ գրասենյակում. այնտեղ է նաև վարչապետը

Այսօր՝ սեպտեմբերի 6-ին, Ազգային ժողովի «Իմ քայլը» խմբակցության անդամները նիստ է գումարել «Քաղաքացիական պայմանագիր» կուսակցության կենտրոնական գրասենյակում:

Քիչ առաջ այնտեղ ժամանեց նաեւ ՀՀ վարչապետ Նիկոլ Փաշինյանը: Նա չպատասխանեց լրագրողների հարցերին:

Ըստ որոշ տեղեկությունների, այսօրվա նիստում քննարկվելու է նաեւ Սահմանադրական դատարանի՝ օրեր առաջ կայացրած որոշումը, որի ամբողջական տեքստը դեռ չի հրապարակվել: