Արկադի Ղուկասյանը շնորհավորել է Ռոբերտ Քոչարյանին ծննդյան 65-ամյակի առթիվ

190

Արցախի Հանրապետության երկրորդ նախագահ Արկադի Ղուկասյանը շնորհավորել է ՀՀ երկրորդ նախագահ Ռոբերտ Քոչարյանին ծննդյան 65-ամյակի առթիվ:


«Մեծարգո՛ պարոն Քոչարյան


Սրտանց շնորհավորում եմ Ձեզ՝ ծննդյան 65-ամյակի առթիվ:


Հսկայական է Ձեր ավանդը Արցախի Հանրապետության կերտման գործում: Կանգնած լինելով Ղարաբաղյան շարժման ակունքներում եւ լինելով նրա լիդերներից մեկը՝ Դուք մեծ պատասխանատվություն եք վերցրել Ձեր ուսերին եւ ճակատագրական պահերին առաջնորդել արցախահայությանը, ժողովրդի հետ հաղթել մեզ պարտադրված անհավասար պատերազմում: Իսկ պատերազմից հետո միահամուռ ուժերով մենք բուժել ենք երկրի վերքերը, ապահովել ժողովրդի անվտանգությունը:


Տեղափոխվելով Հայաստանի Հանրապետություն՝ Դուք շարունակել եք ծառայել Հայրենիքին, Ձեր նպաստը բերել նրա հզորացմանը:


Այս հիշարժան օրը մաղթում եմ Ձեզ քաջառողջություն, տոկունություն եւ հույս հայտնում, որ ի վերջո կհաղթի արդարությունը, եւ Դուք կշարունակեք Ձեր ազգանպաստ գործունեությունը»,-ասված է հաղորդագրությունում:

Տպել

Թեմայի այլ նորություններ
Загрузка...