Պուտինը պատմել է, թե որ պատմական գործիչներով է հիանում. FT

ՌԴ-ի նախագահ Վլադիմիր Պուտինը պատմել է, թե օտարերկրացի քաղաքական գործիչների թվում, որոնց հետ իրեն բախտ է վիճակվել շփվելու, իր վրա շատ լուրջ տպավորություն է գործել Ֆրանսիայի նախկին նախագահ Ժակ Շիրակը:

Բրիտանական Financial Times թերթում հրապարակված հարցազրույցում պատասխանելով այն հարցին թե, ղեկավարներից ումով է ինքն ամենից շատ հիանում, Պուտինն ասել է, որ Պյոտր Առաջինով:

«Այն մարդկանցից, ում հետ ես հնարավորություն եմ ունեցել շփվելու, ինձ վրա շատ լուրջ տպավորություն է գործել Ֆրանսիայի նախկին նախագահ Ժակ Շիրակը»,- շարունակել է Պուտինը: Նա Շիրակին համարել է իսկական ինտելեկտուալ եւ իսկական պրոֆեսոր, ինչպես նաեւ շատ հետաքրքիր եւ եւ շատ կշռադատված մարդ: