Պարսից ծոցում իրավիճակի ապակայունացումը շատ վտանգավոր է. ՌԴ ԱԳՆ

Պարսից ծոցում իրավիճակի ապակայունացումը շատ վտանգավոր է: Այդ մասին հայտարարել է ՌԴ ԱԳ նախարարի տեղակալ Սերգեյ Ռյաբկովը. հայտնում է ՌԻԱ Նովոստին:

Նա խորհուրդ է տվել ԱՄՆ-ին` կանգ առնել իր` իրավիճակը սրելու ձգտման ճանապարհին, քանի դեռ ուշ չէ:

«Հույս ունենք, որ Պարսից ծոց լրացուցիչ ուժեր և միջոցներ ուղարկելը չի հանգեցնի այն կայծի առաջացմանը, որից հետո հրդեհ կբռնկվի»,-հավելել է Ռյաբկովը:

Ավելի վաղ ԱՄՆ-ն հայտնել էր Պարսից ծոց լրացուցիչ 1 000 զինծառայող ուղարկելու մասին` Իրանի հետ լարված հարաբերությունների ֆոնին: