ՌԴ-ն ու Թուրքիան պայմանագիր կկնքեն Ս-400-ների ևս մեկ համակարգի մատակարարման շուրջ

Ռուսաստանն ու Թուրքիան 2020 թվականին նախատեսում են զենիթահրթիռային Ս-400 «Տրիումֆ» ևս մեկ համակարգի մատակարարման շուրջ պայմանագիր կնքել, այս մասին ТАСС-ին հայտնել է ռազմադիվանագիտական աղբյուրը։

«2020 թվականի մարտ-հունիս ամիսներին առաջին խմբաքանակի մատակարարման ավարտից հետո նույն թվականին նախատեսվում է ստորագրել նոր պայմանագիր 2021 թվականին Թուրքիային Ս-400 համալիրների ևս մեկ համակարգի մատակարարման շուրջ։ Մատակարարման նոմենկլատուրան նման կլինի առաջին պայմանագրին», - պատմել է գործակալության զրուցակիցը։

Աղբյուրի խոսքով՝ նախատեսվում է, որ նոր փաստաթղթում կողմերը կպայմանավորվեն արտադրության մասնակի տեղայնացման մասին՝ թուրքական ընկերությունները ռուսական լիցեզիայի ներքո կսկսեն պատրաստել Ս-400 բաղկացուցիչ մասերը, որոնք չունեն ծայրահեղ կարեւոր նշանակություն։

Ռուսաստանի ռազմատեխնիկական համագործակցության դաշնային «Ռոսօբորոնէքսպորտ» ծառայությունում չեն մեկնաբանել այս տեղեկությունը։

Տպել

Թեմայի այլ նորություններ
Загрузка...