Իրանցի գեներալ. Իրաքյան Քրդստանում հանրաքվեն ԱՄՆ–ի դավադրությունն է

Իրանի Իսլամական հեղափոխության պահապանների գնդի ղեկավարներից մեկը հայտարարել է, որ Իրաքյան Քրդստանի կողմից անկախության հանրաքվեն ԱՄՆ–ի դավադրությունն է, որն ուղղված է տարածաշրջանի մահմեդականների էլ ավելի տարանջատմանը։

Բրիգադի գեներալ Նահդին հայտարարել է, որ ԱՄՆ–ն նոր դավադրություն է կազմակերպել, որն արտահայտվելու է Իրաքյան Քրդստանի անկախության հանրաքվեի անցկացմամբ, փոխանցում է Tasnim News–ը։

Ըստ նրա, ամերիկացիները նոր սխեման են հորինել, որպեսզի էլ ավելի խորացնեն մահմեդականների միջև տարանջատումը։