Տավուշում հայտնաբերվել է Ադրբեջանի քաղաքացի․ ԱԱԾ-ն հաստատեց

ՀՀ Ազգային անվտանգության ծառայությունը հաստատեց, որ հոկտեմբերի 19-ին ՀՀ սահմանը հատել է Ադրբեջանի քաղաքացի։

«2026թ. հոկտեմբերի 19-ին՝ 17:50-ի սահմաններում, Հայաստանի Հանրապետության տարածքում (Տավուշի մարզ) հայտնաբերվել է Թովուզի շրջանի Չատախ գյուղի բնակիչ, 1968թ. ծնված Ադրբեջանի Հանրապետության քաղաքացի Քասիմով Յաշար Ալի Օղլուն:

Իրականացված ստուգողական միջոցառումների արդյունքում պարզվել է, որ ԱՀ քաղաքացին ՀՀ տարածքում հայտնվել է մոլորվելու արդյունքում:

Ձեռնարկվում են համապատասխան գործողություններ ԱՀ քաղաքացուն վերադարձնելու նպատակով», - ասվում է ԱԱԾ հաղորդագրության մեջ։