Ադրբեջանը Հայաստան է ուղարկել դիզվառելիքով բեռնված 22 վագոն

Ադրբեջանը Հայաստան է ուղարկել դիզվառելիքով բեռնված 22 վագոն (1298 տոննա): Այս մասին հայտնում են ադրբեջանական լրատվամիջոցները:

Այսօրվա դրությամբ Ադրբեջանից Հայաստան է արտահանվել 6312 տոննա դիզելային վառելիք, 979 տոննա AI-92 բենզին և 2955 տոննա AI-95 բենզին։ Ռուսաստանից Ադրբեջանի տարածքով Հայաստան է ուղարկվել նաև մեկ այլ խմբաքանակ։

Մինչ օրս Ռուսաստանից Ադրբեջանի տարածքով Հայաստան է ուղարկվել 23 900 տոննա հացահատիկ, ավելի քան 1100 տոննա պարարտանյութ և 68 տոննա հնդկացորեն։