Ժողովուրդը կանիծի այն դատավորին, որը կորոշի ձերբակալել Ամենայն հայոց կաթողիկոսին

Ես չեմ կարող հավատալ, որ կգտնվի հայ դատավոր, որը կդատապարտի Ամենայն հայոց կաթողիկոս Գարեգին Բ-ին: Այս մարդը կհեռացվի եկեղեցուց, իսկ ժողովուրդը կանիծի նրա ամբողջ ընտանիքը: Այս մասին TASS-ին տված հարցազրույցում հայտարարել է Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը:

«Իշխանությունները օգտագործում են իրենց բոլոր վարչական ռեսուրսները՝ քաղաքական նպատակներով վարկաբեկելու հոգևորականությանը, հասարակության մեջ եկեղեցու նկատմամբ անհանդուրժողականություն հրահրելու, միևնույն ժամանակ չխուսափելով զրպարտությունից և բացահայտ ստերից:

Նրանք լավ գիտեն՝ որքան անամոթ է սուտը, այնքան ավելի հեշտությամբ է այն յուրացվում: Այս կառավարությունից, որը բացահայտորեն խաբում է ժողովրդին, իրեն օրենքից վեր է դասում, անտեսում է միջազգային իրավական նորմերը, արմատախիլ անում արդարադատությունը և կեղծ մեղադրանքներով ձերբակալում հոգևորականներին ու ազգային բարերարներին, կարելի է սպասել ամեն ինչ: Հնարավոր է, որ կառավարությունն իր նպատակներին հասնելու համար ավելի հեռու գնա»: Բայց ես չեմ կարող հավատալ, որ կգտնվի մի հայ դատավոր, որը կդատապարտի Ամենայն հայոց կաթողիկոսին։ Այս մարդը կհեռացվի եկեղեցուց, և ժողովուրդը կանիծի նրա ամբողջ ընտանիքը», - նշել է Ներսիսյանը։

Նա հիշեցրել է, որ Եկեղեցին, որպես անկուսակցական հաստատություն, իր առաքելության հիման վրա, երբեք չի միջամտել պետական ​​գործերին։

«Այս դրույթը ամրագրված է Հանրապետության Սահմանադրության 17-րդ և 18-րդ հոդվածներում. Եկեղեցին անջատ է պետությունից և չի զբաղվում քաղաքականությամբ։ Կառավարությունն, իր հերթին, իրավունք չունի միջամտել եկեղեցու ներքին գործերին։ Միևնույն ժամանակ, կրկին Սահմանադրության համաձայն, Եկեղեցուն արգելված չէ արդարության ձայնը բարձրացնել ազգի և երկրի հոգևոր անվտանգության օգտին», - հավելել է արքեպիսկոպոսը։