Դեսպան. Ղարաբաղյան հակամարտությունը չունի այլ լուծում, քան խաղաղ կարգավորումն է

Լեռնային Ղարաբաղի հակամարտությունում կարևոր է 1994-95 թթ. հրադադարի պայմանագրի պահպանումը: Ղարաբաղյան հակամարտությունը չունի այլ լուծում, քան խաղաղ կարգավորումն է: Այս մասին լրագրողների հետ հանդիպմանն այսօր հայտարարել է ՀՀ-ում Շվեյցարիայի Համադաշնության արտակարգ և լիազոր դեսպան Լուկաս Գասերին:

Դեսպանի խոսքով` հակամարտության կարգավորումը բխում է Հայաստանի տնտեսական և քաղաքական շահերից: Նա նշեց, որ հարկ է օժանդակել հակամատության բոլոր կողմերին, ինչը պահանջում է բավականին ծավալուն դիվանագիտական գործունեություն, հատկապես ԵԱՀԿ-ի շրջանակներում: Բայց, ընդգծեց դեսպանը, դա այն գործունեությունն է, որը հրապարակային չի ծավալվում:

Շվեյցարիան պատրաստ է նաև օժանդակել կողմերին հայ-թուրքական հարաբերությունների կարգավորման համար.

«Այդ հարաբերությունները գործնականում բացակայում են, բայց մենք պատրաստ ենք երկու կողմերին օժանդակություն ցուցաբերել` երբ կողմերը պատրաստ լինեն»,-հավելեց նա: