«Շիրակ» օդանավակայանում ռումբի մասին ահազանգը կեղծ է. ՆԳՆ խոսնակ

Գյումրու «Շիրակ» օդանավակայանում ռումբի մասին ահազանգը կեղծ է, հայտնել է ՆԳՆ խոսնակ Նարեկ Սարգսյանը՝ նշելով, որ օդանավակայանը վերադարձել է իր բնականոն աշխատանքին:

Ըստ Սարգսյանի՝ միջոցներ են ձեռնարկվում ահազանգն իրականացրած անձին գտնելու համար, հայտնում է Ազատությունը:

Հուլիսի 2-ի առավոտյան Ոստիկանության Շիրակի մարզային վարչությունն օդանավակայանում ռումբի մասին ահազանգ էր ստացել։

Սարգսյանն ասել էր, որ օդանավակայանի աշխատակիցները տարհանվել են, փրկարարները, սակրավորներն ու ոստիկանները տեղում աշխատում են։