Նարեկ Սամսոնյանի ձերբակալման տեսանյութի վերաբերյալ ՄԻՊ-ը սկսել է ուսումնասիրություն

Նարեկ Սամսոնյանի ձերբակալման վերաբերյալ համացանցում տարածված տեսանյութի առնչությամբ Մարդու իրավունքների պաշտպանի հանձնարարությամբ սկսվել է ուսումնասիրություն: Այս մասին հայտնում են ՄԻՊ-ի գրասենյակից:

Ուսումնասիրության շրջանակում Պաշտպանի հանձնարարությամբ արագ արձագանքման այց է իրականացվել, և այս պահին Պաշտպանի ներկայացուցիչները գտնվում են ՀՀ ՆԳՆ ոստիկանության բաժնում:

Ավելի վաղ Նարեկ Սամսոնյանի փաստաբան Ռուբեն Մելիքյանը հայտնել էր, որ գործչին կոշտ ձևերով ձերբակալել են: