Եթե Պուտինը հաղթի... Ստոլտենբերգը Փաշինյանին ներկայացրեց իր վախերը

Ողջունում եմ ՀՀ համերաշխությունը Ուկրաինայի հետ և բոլոր գործընկերներին կոչ անում իրենցից կախված անել ամեն ինչ, որպեսզի Պուտինը չհաղթի իր ագրեսիայի պատերազմում: Այս մասին Երևանում, ՀՀ վարչապետ Նիկոլ Փաշինյանի հետ համատեղ ասուլիսում հայտարարեց ՆԱՏՕ-ի գլխավոր քարտուղար Յենս Ստոլտենբերգը:

Նրա խոսքով՝ պատերազմում իրավիճակը մնում է ծանր և հենց այս պատճառով էլ «պետք է ավելացնել մեր աջակցությունը».

«Եթե Պուտինը Ուկրաինայում հաջողության հասնի, իրական ռիսկ կա, որ նրա ագրեսիան այնտեղ կանգ չի առնի և ավտորիտար այլ սուբյեկտները կոգեշնչվեն դրանից»,- ասաց նա: