Պուտինն ու Փաշինյանը առանձին կբանակցե՞ն. Պեսկովն է մեկնաբանել

ՌԴ նախագահ Վլադիմիր Պուտինն ու Հայաստանի վարչապետ Նիկոլ Փաշինյանը Սանկտ Պետերբուրգում սպասվող միջոցառումների շրջանակում շփվելու հնարավորություն կունենան։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն։

Երկուշաբթի ավելի վաղ ՀՀ կառավարության մամուլի ծառայությունը հայտնել էր, որ Փաշինյանը երկօրյա աշխատանքային այցով ժամանել է Սանկտ Պետերբուրգ՝ մասնակցելու Եվրասիական տնտեսական բարձրագույն խորհրդի նիստին և ԱՊՀ ոչ պաշտոնական գագաթնաժողովին: Միջոցառումները տեղի կունենան դեկտեմբերի 25-ին և 26-ին:

«Նրանք հիանալի հնարավորություն կունենան շփվելու», - ասել է Պեսկովը՝ պատասխանելով հարցին, թե արդյոք Պուտինի և Փաշինյանի միջև առանձին բանակցություններ կլինեն։