Ադրբեջանը ՀՀ-ին է ուղարկել խաղաղության պայմանագրի վերաբերյալ վերջին առաջարկների պատասխանը

Ադրբեջանը Հայաստանին ուղարկել է խաղաղության պայմանագրի վերաբերյալ վերջին առաջարկների պատասխանը, ասել է Ադրբեջանի արտաքին գործերի նախարար Ջեյհուն Բայրամովը:

«Առաջարկների փաթեթը, որի վրա աշխատել ենք մեկ ամսվա ընթացքում, փոխանցվել է Հայաստանին», - «Ազտվ» պետական ​​հեռուստաալիքին տված հարցազրույցում ասել է Բայրամովը:

Ըստ նրա, Հայաստանի հետ բանակցային գործընթացը շարունակվում է: Նա նշել է, որ ակնկալում է կողմերի հանդիպումներ 2024 թվականին:

Բայրամովը շեշտել է, որ վերջերս Բաքուն դրական ազդակներ է ստացել Երեւանից, բայց Հայաստանից խաղաղության գործընթացի մասով սպասում են իրական գործողությունների:

«Մենք իրատեսորեն ենք նայում խաղաղ գործընթացին: Բայց մենք պետք է հասկանանք, որ խաղաղության պայմանագիրը 100% լուծում չէ բոլոր հարցերի համար: Խաղաղության պայմանագիրը հետագա քննարկումների հիմքն է», - ավելացրել է նախարարը: