Պատրաստվում է Ռուսաստանի, Թուրքիայի ու Ադրբեջանի նախագահների եռակողմ հանդիպում

Ադրբեջանում Թուրքիայի դեսպան Էրքան Օզորալը լրագրողների հետ զրույցում հայտարարել է, ներկայումս իրականացվում են նախապատրաստական աշխատանքներ՝ Ռուսաստանի, Թուրքիայի ու Ադրբեջանի նախագահների եռակողմ հանդիպում անցկացնելու համար։

Նա ընդգծել է, որ միևնույն ժամանակ ծրագրվում է եռակողմ հանդիպում անցկացնել Թուրքիայի, Թուրքմենստանի ու Ադրբեջանի նախագահների միջև, փոխանցում է haqqin.az:

Ավելի վաղ Սանկտ Պետերբուրգում Թուրքիայի նախագահ Ռեջեփ Էրդողանի հետ հանդիպման ժամանակ Ռուսաստանի նախագահ Վլադիմիր Պուտինը հայտարարել է, որ Ռուսաստանը, Թուրքիան ու Ադրբեջանը կարող են ձևավորել համագործակցության եռակողմ ձևաչափ։