Առաջին եռամսյակում ծնունդների էական աճ ունենք. ԱՍՀ նախարար

Հայաստանում ժողովրդագրական պատկերի բարելավմանն ուղղված ծրագրերը դրական ազդեցություն ունեն ծնելիության ցուցանիշի վրա, նաև էականորեն աճել է ընտանիքներում ծնվող երրորդ և հաջորդ երեխաների թիվը: Այդ մասին կառավարության մայիսի 18-ի նիստում հայտարարել է ԱՍՀ նախարար Նարեկ Մկրտչյանը Կառավարությանը: 

Նրա խոսքով, 2018 և 2021 թվականների ցուցանիշի հետ համեմատ 4 տարիների ընթացքում ծնված երեխաների ընդհանուր թվի մեջ երրորդ և հաջորդ երեխաների թիվն աճել է շուրջ 30 տոկոսով:

«Եթե 2018-ին ծնվել էր կարգաթվով 3 և բարձր 8 271 երեխա, ապա 2021-ին երրորդ և հաջորդ ծնված երեխաների թիվը կազմել է 11 438: 2023-ի առաջին եռամսյակի տվյալները խոսում են, որ ծնունդների էական աճ ունենք համեմատած նախորդ տարվա առաջին եռամսյակի հետ. թիվն աճել է 658-ով:

Նաև էական նվազում կա մահերի ցուցանիշում: Տոկոսայինով համեմատած՝ նախորդ եռամսյակի հետ պակաս է 20 տոկոսով: Ավելի համապարփակ պատկերը դեկտեմբերին կունանանք»,- ասել է նախարարը: