Ադրբեջանի ԶՈւ-ն ականանետից կրակ են բացել Վերին Շորժայի հայկական դիրքերի ուղղությամբ. ՊՆ

Սոթքի և Կութի ուղղությամբ Ադրբեջանի ԶՈՒ կրակի ինտենսիվության նվազումը, Ժամը 22:00-ի դրությամբ, պահպանվում է: Այս մասին տեղեկացրին ՀՀ պաշտպանության նախարարությունից։

«Ժամը 21:50-ից Ադրբեջանի ԶՈՒ ստորաբաժանումները հրաձգային զենքերից և ականանետից կրակ են բացել Վերին Շորժայի հատվածում տեղակայված հայկական դիրքերի ուղղությամբ:

Պաշտպանության նախարարությունը հանդես կգա լրացուցիչ հաղորդագրությամբ»,- ասվում է հաղորդագրության մեջ: