Առաջիկայում ՀՀ-ն կանգնելու է լուրջ մարտահրավերների առջև․ Խամոյան

Կարելի է և պետք է զարգացնել հարաբերություններն Արևմուտքի հետ, բայց դա չպետք է լինի Ռուսաստանի Դաշնության կամ այլ երկրի հետ թշնամանալու հաշվին: Այս մասին ասուլիսի ժամանակ հայտարարեց ԱԺ "Հայաստան" խմբակցության պատգամավոր Լևոն Քոչարյանը:

«Կարիք չկա թշնամանալ Ռուսաստանի հետ։ Մենք ասում ենք՝ պետք չէ գերտերությունների բախման կենտրոնում հայտնվել, դա մեր շահերից չի բխում»,- նշեց նա։

Անդրադառնալով հոր՝ ՀՀ երկրորդ նախագահ Ռոբերտ Քոչարյանի նկատմամբ մեղադրանքներին, պատգամավորը նշեց, որ դրանք կատարյալ անհեթեթ են, ըստ երևույթին, մեղադրանքի հիմքում այն է, որ Կառավարության որոշում է վավերացվել.

"Ուրիշ մեղադրանք չկա",- նշեց Լևոն Քոչարյանը: 

Իր հերթին, նրա գործընկեր Ագնեսա Խամոյանը նշեց, որ առաջիկայում Հայաստանի Հանրապետությունը կանգնելու է լուրջ մարտահրավերների առջև․ 

"Ռոբերտ Քոչարյանը կալանքի տակ է և դա բացառապես պայմանավորված է նրանով, որ առաջիկա ամիսների ընթացքում Հայաստանին սպասում են լուրջ զարգացումներ, և սա դիմադրությունը կոտրելու, դիմադրության օջախների ձևավորումը թույլ չտալու շրջանակներում է։ Եվ սա ահազանգ է, որ առաջիկայում Հայաստանի Հանրապետությունը կանգնելու է լուրջ մարտահրավերների առջև»,- ընդգծեց Ագնեսա Խամոյանը։

Ի դեպ, Լևոն Քոչարյանը տեղեկացրեց, որ հորը տեսակցության արգելք չունի դատարանի որոշմամբ, բայց իրեն, միևնույն է, չեն թողնում տեսակցել նրան: