Իշխանությունը քշելու ո՞ր ձևը առաջարկենք ժողովրդին՝ Նեպալի՞, թե՞ Ֆրանսիայի. Սերժ Սարգսյան

Իշխանափոխության հարցը մշտապես մեր օրակարգում եղել է, այսօր էլ ներկա է, ու դրան հասնելով ամենաճիշտ և օպտիմալ տարբերակը անվստահություն հայտնելն է վարչապետին։ Այս մասին դատարանի բակում լրագրողների հետ զրույցում ասաց ՀՀ երրորդ նախագահ Սերժ Սարգսյանը:

Նրա խոսքով, խորհրդարանը ոչ միայն խոսելու տեղ է, այլև լսելու, ով ականջ ունի, կլսի, հատկապես, որ խորհրդարանական լսումներին հիմնականում խոսում են այն մարդիկ, ովքեր տարին մեկ-երկու անգամ, պատգամավոր չլինելով, հնարավորություն են ունենում խոսել ԱԺ ամբիոնից։ Հիշեցնենք, ԱԺ ընդդիմությունը նախաձեռնել է Նիկոլ Փաշինյանին անվստահություն հայտնելու հարցի շուրջ խորհրդարանական լսումներ:

"Երեկ ինչ տեղի ունեցավ աշխարհում, երկու խոշոր իրադարձություն՝ Նեպալում և Ֆրանսիայում, և ժողովրդի վստահությունը չվայելող Կառավարությանը «քշելու» կամ իմփիչմենթի ենթարկելու երկու ձև է. մի ձևը Նեպալինն էր՝ բռնություններով, սպանություններով, մյուսը՝ Ֆրանսիայինը՝ խորհրդարանի միջոցով: Հիմա մեր ժողովրդին մենք ի՞նչ առաջարկենք»,- ասաց Սերժ Սարգսյանը: