Փաշինյանը չի բացառում պաշտպանական ծախսերի մասնաբաժնի նվազեցումը 2026թ. բյուջեով

Հայաստանի վարչապետ Նիկոլ Փաշինյանը հայտարարել է, որ 2026 թվականի պետական բյուջեում հնարավոր է պաշտպանական ծախսերի էական ավելացումներ չլինեն կամ ընդհանրապես բացակայեն։

Այս մասին նա հայտարարել է՝ նշելով, որ կառավարությունը շարունակում է իրադրության վերլուծությունը՝ կարճաժամկետ, միջնաժամկետ և երկարաժամկետ զարգացումներին համապատասխան որոշումներ կայացնելու համար։

Վարչապետի այս հայտարարությունը հետևում է ֆինանսների նախարար Վահե Հովհաննիսյանի նախօրեին արած հայտարարությանը, որով վերջինս նշել էր, որ 2026 թվականի բյուջեում պաշտպանությանը հատկացվող ծախսերի մասնաբաժինը ընդհանուրի մեջ կնվազի։

Հիշեցնենք, որ օգոստոսի 19-ին Fitch վարկանշային գործակալությունը Հայաստանի և Ադրբեջանի միջև նախաստորագրված խաղաղության համաձայնագիրը գնահատել էր որպես «դրական քայլ»։ Գործակալությունը իր զեկույցում նշել էր, որ աշխարհաքաղաքական ռիսկերի նվազումը կարող է միջնաժամկետ հատվածում թեթևացնել Հայաստանի բյուջետային ծանրաբեռնվածությունը՝ պաշտպանական ծախսերի կրճատման հաշվին։