Այս պահին խուզարկում են լրագրող Նաիրի Հոխիկյանի տունը

Այս պահին խուզարկում են լրագրող Նաիրի Հոխիկյանի տունը։ Այս մասին Facebook–ի իր էջում գրել է ակտիվիստ Հովհաննես Իշխանյանը։

«Մայիսի 31-ին երկու ՔՊ-ական հարձակվել էին Նաիրիենց տան ու իր վրա, հարվածել, փորձել առևանգել, մտնել տուն:
Նաիրին խաղալիք ատրճանակով վախեցրել էր նրանց, սրաք էլ թողել, փախել էին ու ոստիկաններին ասել, թե իրենց վրա է հարձակվել Նաիրին զենքով»,- գրել է նա:

Հիշեցնենք, որ նախօրեին Փարաքար խոշորացված համայնքի Նորակերտ բնակավայրում միջադեպ–ծեծկռտուք է տեղի ունեցել։ Ըստ լրատվամիջոցների տեղեկությունների՝ միջադեպ-ծեծկռտուքը եղել էր ակտիվիստ Նաիրի Հոխիկյանի և ՔՊ անդամ Գևորգ Խաչատրյանի միջև:

ՀՀ քննչական կոմիտեից հայտնել են, որ Նորակերտում տեղի ունեցած դեպքի վերաբերյալ ստացվել է առերևույթ հանցանքի մասին 2 հաղորդում, որոնց հիման վրա նախաձեռնվել է քրեական վարույթ՝ խուլիգանության, հոգեկան և ֆիզիկական ներգործության հատկանիշներով: