Վեհարանն ազատելու ենք այնպես, ինչպես ՀՀ-ն ազատեցինք Սերժ Սարգսյանից. Փաշինյան

Վեհարանն ազատելու ենք այնպես, ինչպես ՀՀ-ն ազատեցինք Սերժ Սարգսյանից: Այս մասին ասուլիսի ժամանակ հայտարարեց վարչապետ Նիկոլ Փաշինյանը:

Նա հերքեց պնդումները եղելեցու դեմ արշավ կազմակերպելու և նշեց, թե չի կարող արշավ սկսել եկեղեցու դեմ ու, հետևաբար, որևէ մեկը չի կարող պաշտպանել այն. 

«Հայ Առաքելական եկեղեցին իմ և իմ ընտանիքի համար սրբություն է։ Այդ պատճառով մենք չենք կարող որևէ կերպ պայքարել նրա դեմ: Այն, ինչ մենք անում ենք, հանուն եկեղեցու է, եթե Հայ Առաքելական եկեղեցին մեզ համար սրբություն չլիներ, մենք պարզապես անտարբեր կգտնվեինք այն կործանարար ընթացքի նկատմամբ, որն այսօր ակնհայտ է։ Ավելին՝ եկեղեցու ներկայիս գործելակերպը, ցավոք, վնասում է հենց եկեղեցուն»,– շեշտեց Հայաստանի վարչապետը։