Վարդանյան. Սա հերթական ապօրինություն է, և այս իշխանությունը չի մարսելու այն

ԱԺ «Հայաստան» խմբակցության պատգամավոր Աղվան Վարդանյանը հայտարարեց, որ Նիկոլ Փաշինյանի վերջին քայլերը հիշեցնում են Սահակաշվիլու ճանապարհը, որն ավարտվեց վրաց եկեղեցու դեմ արշավով ու ժողովրդի հակահարվածով։

Նա ընդգծեց, որ Սամվել Կարապետյանի ձերբակալությունը քաղաքական հաշվեհարդար է՝ եկեղեցուն սատարելու համար․ «Նրա խոսքում ոչ մի սպառնալիք չկար։ Միայն հիվանդ միտքը կարող է դա վերածել պետականության դեմ ոտնձգության»։

Ըստ պատգամավորի՝ եկեղեցու դեմ արշավը նպատակ ունի հասարակությունը պառակտել և իրականացնել արտաքին, ադրբեջանա-թուրքական օրակարգ։

«Դուք չեք Հայաստանի Հանրապետությունը։ Ձեր հիմքում վախն է, աղքատության բարդույթը և կեղծիքը։ Բայց ժողովուրդը ձեզ էլ կասի իր խոսքը», – եզրափակեց Վարդանյանը։