30.05.2025
Close
language հայ
language հայ

Խանդանյանը հանդիպել է Չեխիայի Սենատի արտաքին հարաբերությունների հանձնաժողովի նախագահին

ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը մայիսի 27-ին հանդիպել է Չեխիայի Սենատի արտաքին հարաբերությունների հանձնաժողովի նախագահ Պավել Ֆիշերի հետ:


Ողջունելով «Երեւանյան երկխոսություն 2025» համաժողովի շրջանակում Երեւան ժամանած հյուրին՝ Սարգիս Խանդանյանը բարձր է գնահատել վերջին տարիներին Հայաստան-Չեխիա խորհրդարանական համագործակցությունը: Այս համատեքստում ԱԺ մշտական հանձնաժողովի նախագահն ընդգծել է բարեկամական խմբերի ակտիվ գործունեությունը:


Սարգիս Խանդանյանի խոսքով, այդուամենայնիվ, մի շարք ոլորտներում առկա է փոխգործակցության ընդլայնման ներուժ:


Կողմերն անդրադարձել են Հայաստան-Եվրամիություն խորացող գործակցության շրջանակում երկկողմ համագործակցության կարեւորությանը: Սարգիս Խանդանյանն արժեւորել է Չեխիայի աջակցությունը ՀՀ քաղաքացիների համար Եվրամիության վիզաների ազատականացման հարցում:


Քննարկվել են տարածաշրջանային հարցեր: Զրուցակիցները կարեւորել են Հարավային Կովկասում երկարատեւ խաղաղության ու կայունության հաստատումը:

Թեմայի այլ նորություններ