Նիկոլ Փաշինյանի պատասխանը նախարարների աշխատավարձերի բարձրացման մասին համոզիչ չէ։ Միևնույն ժամանակ, չեմ կարծում, թե բարձրացումն արվել է օրենքի խախտմամբ։ Այս մասին լրագրողների հետ հանդիպմանն այսօր հայտարարել է «Transparency International» հակակոռուպցիոն կենտրոնի նախագծերի ղեկավար Վարուժան Հոկտանյանը։
«Հասկանալի է, որ բարձր պաշտոնյաները պետք է արժանի վարձատրվեն, բայց այստեղ կարեւոր է ոչ միայն գաղափարնը, այլ նաեւ դրա իրականացման մոտեցումները։ Պետական մարմինների աշխատանքում կարեւոր է ոչ միայն թափանցիկությունը, այլեւ հաշվետվողականությունը, իսկ հիմնավորումը, թե նախարարների աշխատավարձերի փոփոխության մասին հասարակությունը, միեւնույն է, իմանում է հայտարարագրերից հետո, համոզիչ չի հնչում։ Չեմ կարծում, թե բարձրացումն արվել է օրենքի խախտմամբ, գուցե խախտվել է ինչ-որ ենթաօրենսդրական ակտ»,- ասաց նա:
Նա նաև ասաց, որ կարևոր է հասկանալ, թե որքանով աշխատավարձերի բարձրացումը կանդրադառնա պաշտոնյաների աշխատանքի արդյունավետության վրա։
Էջի հասցեն: https://verelq.am/hy/node/54903