Մեծ Բրիտանիայի վարչապետի ամենահավանական թեկնածու Բորիս Ջոնսոնը պետք է հասկանա, որ Իրանը չի ցանկանում կոնֆրոնտացիա Լոնդոնի հետ: Այս մասին հայտարարել է Իրանի արտաքին գործերի նախարար Ջավադ Զարիֆը, հայտնում է ՏԱՍՍ-ը:
Նա նշել է, որ Թեհրանը չի ցանկանում հարաբերությունների սրացում Լոնդոնի հետ, այթ թվում տանկերների խնդրով:
«Շատ կարևոր է, որպեսզի Ջոնսոնը գիտակցի, որ Թեհրանը ամենևին էլ չի ձգտում սրացման, այլ ցանկանում է վերածնել նորմալ հարաբերությունները երկու երկրների միջև, որոնք հիմնված են երկկողմ հարգանքի վրա»,- ասաց Զարիֆը, ով այժմ այցով գտնվում է Նիկարագուայում:
Նախորդ շաբաթվա սկզբին Բորիս Ջոնսոնը բացառեց այն տարբերակը, որի դեպքում ինքը կարող է սատարել ԱՄՆ ռազմական օպերացիան Իրանի դեմ: Նա նշել է, որ դիվանագիտությունը պետք է լինի առաջ գնալու լավագույն միջոցը:
Էջի հասցեն: https://verelq.am/hy/node/50322