Սիրիայի ռմբակոծության հետեւանքով Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության: Այս մասին հայտարարել է Իրանի ԱԳ նախարար Մուհամմեդ Ջավադ Զարիֆը:
«Արկածախնդրությունը միշտ վտանգավոր է»,- հայտարարել է Զարիֆը Sueddeutsche Zeitung-ի հետ հարցազրույցում:
Նրա խոսքով՝ Իրանը Սիրիայում է գտնվում երկրի կառավարության հրավերով, այն դեպքում, երբ Իսրայելը խախտում է Լիբանանի եւ Սիրիայի օդային տարածքը, ինչպես նաեւ միջազգային իրավունքը:
Պատասխանելով Իրանի եւ Իսրայելի միջեւ ռազմական կոնֆլիկտի հնարավորության մասին հարցին՝ իրանցի բարձրաստիճան դիվանագետը ասել է, որ նման բան չի սպասում՝ հավելելով. «Բայց մենք չենք կարող նման հնարավորությունը բացառել»:
Էջի հասցեն: https://verelq.am/hy/node/42920