Երևանի Խորենացի փողոցում այս պահին բախում է տեղի ունենում քաղաքացիների և ոստիկանության ուժերի միջև: Վեճը ծագեց ՊՊԾ գունդը գրաված "Սասնա ծռեր" խմբավորման անդամներին սնունդ հասցնելու հետ կապված խնդրից։

Սննդի խնդիրն այդպես էլ չլուծվեց։ Ոստիկանների ու ցուցարների միջեւ լարվածություն է սկսեց: Ցուցարարները քարեր ու շշեր սկսեցին նետել ոստիկանների ուղղությամբ, հարվածում ոստիկանական պատնեշին, իսկ նրանք սպառնում են գործողությունների դիմել: Ոստիկանները իրագործեցին սպառնալիքը. պայթուցիկներ սկսեցին նետել ցուցարարների ուղղությամբ: Ցուցարարները հայհոյում էին ու տարբեր առարկաներ նետում հակառակ ուղղությամբ: Խորենացի փողոցում մեքենա է հրդեհվել:

Քաղաքացիական անձինք են վիրավորվել: Ոստիկանները սկսել են բերման ենթարկել ցուցարարներին: Լրագորղների հացին ի պատասխան ոստիկանության ներկայացուցիչն ասաց, որ բախման հետեւանքով նաեւ շատ ոստիկաններ են վնասվածքներ ստացել, սակայն չնշեց թե որքան։

Առողջապահության նախարարի մամուլի խոսնակ Անահիտ Հայթայանն իր ֆեյսբուքյան էջում նախնական տվյալներ է հրապարակել այսօր Խորենացի փողոցում ոստիկանների ու ցուցարարների միջև բախման հետևանքով տուժածների վերաբերյալ:

«Ոստիկանության պարեկապահակային ծառայության գնդի մոտակայքում տեղի ունեցող միջադեպի հետևանքով նախնական տվյալներով այս պահին տարբեր բուժհաստատություններ է դիմել 45 տուժած, որից 25-ը` ոստիկան։ 18-ը տեղափոխվել է շտպօգնության մեքենաներով, մյուսները դիմել են ինքնուրույն», - գրել է նախարարի մամուլի խոսնակը։

Ոստիկանները արցունքաբեր գազ կիրառեցին, որպեսզի ցուցարարները ցրվեն: Իրավիճակը Խորենացի փողոցում այս պահին փոքր ինչ հանդարտվում է: Դեպքի վայր ժամանեց Նիկոլ Փաշինյանը՝ բոլորին հանդարտության կոչ անելով: «Հանդարտվեք»,- կրկնում էր Փաշինյանը։ Ապա նա հետաքրքրվեց, թե ինչո՞ւ հենց ինքը դուրս եկավ տարածքից, որ գնա Սարի թաղ՝ իրավիճակը լարվեց:

Որոշ երիտասարդներ սկսեցին սադրել՝ փորձելով Փաշինյանին հունից հանել, նրանից հետաքրքրվել, թե պետք է Սերժ Սարգսյանի գլուխը ուտել, պետք է Բաղրամյան 26 գնալ: «Ամեն ինչ հերթով, ոչ մեկի գլուխը ուտել պետք չէ ուտել»,- հանդարտ պատասխանեց Փաշինյանը: Նա հայտարարեց, որ տարածքում սադրիչներ կան ու սարդանքներին պետք չէ տրվել, քանի որ նրանց նպատակն է ցնցել իրավիճակը։