Հայաստանում ակտիվորեն քննարկում են Ադրբեջանի հետ հակամարտության կարգավորման մասին նոր եռակողմ փաստաթղթի ստորագրումը։ Այս մասին գրում է ՄԳԻՄՕ-ի միջազգային հետազոտությունների ինստիտուտի եվրոատլանտյան անվտանգության կենտրոնի առաջատար գիտաշխատող Սերգեյ Մարկեդոնովը՝ Bunin & Co հեռագրային ալիքի համար։

Նրա խոսքով՝ այդ հեռանկարի շուրջ բանավեճերն արդիականացել են հայտնի լրագրող Թաթուլ Հակոբյանի հրապարակումից հետո։

«Ֆեյսբուք» սոցիալական ցանցի իր էջում նա հայտարարել է, որ «հավաստի դիվանագիտական աղբյուրներից» իրեն հայտնի են Մոսկվայում Վլադիմիր Պուտինի միջնորդությամբ Նիկոլ Փաշինյանի եւ Իլհամ Ալիեւի եռակողմ հանդիպման մասին տեղեկատվությունը: Առաջիկա բանակցությունների օրակարգում, ըստ Հակոբյանի, երկու փաստաթղթերի ստորագրումն է։

Առաջինը՝ հայ-ադրբեջանական սահմանի սահմանազատման և սահմանագրծման մասին, երկրորդը՝ տրանսպորտային հաղորդակցությունների ապաշրջափակման մասին։ Լրագրողը, ճիշտ է, վերապահվումով խոսել է հնարավոր ֆորս-մաժորի մասին, որը կարող է ազդել հանդիպման չեղարկման վրա», - նշում է փորձագետը ։

Մարկեդոնովը նշում է, որ Հակոբյանի հայտարարության լրացուցիչ սրությունը (որը սիրով վերատպել են բազմաթիվ լրատվամիջոցներ ու բլոգերներ) տվել ամսաթիվը (խոսքը նոյեմբերի 9-ի մասին է, այսինքն՝ փաստացի Ղարաբաղում «աշնանային պատերազմի» ավարտից հետո առաջին տարելիցի օրվա մասին) ։

«Այդ օրը Հայաստանի համար նույնականացվում է ծանր ռազմական պարտության և տարածքային զիջումների հետ։ Վերջիններիս մասին թույլ չի տալիս մոռանալ Ադրբեջանը։ Օրեցօր տեղեկություններ են հայտնվում ավելի վաղ հայկական ուժերի վերահսկողության տակ գտնվող տարածքներում օդանավակայանների բացման, ապա Թուրքիայի նախագահի՝ Շուշի կամ Ֆիզուլի կատարած այցերի մասին։ Բացի այդ, բարդ իրավիճակ է ստեղծվել Գորիս-Կապան մայրուղում, որտեղ Բաքուն պահանջներ է ներկայացրել մի շարք հողերի նկատմամբ։ Նոր զիջումների ուրվականը թևածում է Հայաստանի օդում։ Եվ այդ թեմայով ցանկացած խոսակցություն էլեկտորալ մթնոլորտ է ստեղծում։

Հակոբյանի տեղեկատվության մեջ նաեւ խոսվում էր այն մասին, որ կովկասյան երկու պետությունների միջեւ սահմանազատումը հենվելու է դեռեւս խորհրդային ժամանակների գլխավոր շտաբի ռազմական քարտեզների վրա: Հայաստանի պաշտոնական իշխանությունները շտապեցին փարատել կասկածները։ Շատ զգուշորեն են արտահայտվել նաև ռուս ներկայացուցիչները։ Բայց կարծես թե նրանք, ովքեր ցանկանում են կասկածի տակ դնել Փաշինյանի և նրա կառավարության քաղաքականության արդյունավետությունը, այդ փաստարկները այնքան էլ չեն համոզում։

Ըստ էության, նման իրավիճակ եղել է նաև հունվարի 11-ի եռակողմ հանդիպման նախօրեին։ Հայաստանի վարչապետի ընդդիմախոսները կանխատեսում էին տոտալ կապիտուլյացիա, սակայն արդյունքում հայտնվեց Ղարաբաղի սոցիալ-տնտեսական վերականգնմանը վերաբերող փաստաթուղթ։ Այդ ժամանակվանից անցել է արդեն շատ ամիսներ, բայց իրականում գործընթացը այդպես էլ չի սկսվել։ Կողմերի միջեւ դեռեւս ուժեղ տարաձայնություններ կան. Եվ Ղարաբաղի կարգավիճակի հարցը միակը չէ։ Եվ այսօր, թերեւս, նույնիսկ ամենակարեւորը չէ:

Երեւանում վախենում են տարածքային նոր զիջումներից։ Եվ վստահ չեմ, որ նրանք ինչ-որ տեղ կավարտվեն։ Եվ այդ պատճառով Թաթուլ Հակոբյանի հրապարակումը տպավորիչ տեղեկատվական էֆեկտ ունեցավ։ Նա, ինչպես սերմը, հայտնվել է լավ պատրաստված հողի մեջ», - ամփոփում է Սերգեյ Մարկեդոնովը ։