Սրբազան Քահանայապետը Հռոմի պապ Ֆրանցիսկոսը հունիսի 25-ին Ծիծեռնակաբերդ՝ Հայոց ցեղասպանության զոհերի հուշահամալիր և թանգարան, այցելությունից հետո Ամենայն Հայոց Կաթողիկոսի հետ ժամանել է Գյումրի:
Գյումրիում այս պահին Սուրբ և Անմահ Պատարագ մատուցվում Վարդանանց հրապարակում: Գյումրիում Հռոմի Պապը նաև կայցելի Անարատ Հղության Հայ քույրերի միաբանության «Տիրամայր Հայաստանի» կուսաստան, Հայաստանյայց Առաքելական Ս. Եկեղեցու Շիրակի թեմի առաջնորդանիստ Յոթ Վերք Ս. Աստվածածին եկեղեցի և Սրբոց Նահատակաց հայ կաթողիկե Մայր Տաճար:
Շուրջ 600 լրագրող է հավատարմագրվել լուսաբանելու համար Հռոմի Ֆրանցիսկոս Պապի այցը Հայաստան: Գյումրիում Հռոմի պապ Ֆրանցիսկոս Առաջինի մատուցվող պատարագին մասնակցում է շուրջ 15 հազար քաղաքացի Հայաստանից ու արտերկրից: Հայ կաթողիկե եկեղեցու տեղեկատվական համակարգի պատասխանատու Տեր Հովսեփ քահանա Գալստյանը հայտնել էր, որ Հրապարակի կենտրոնական հատվածը բաժանված է 5 սեկցիաների ու ամբողջ տարածքը արգալապատնեշված է:
Էջի հասցեն: https://verelq.am/hy/node/9238