Nordwind ավիաընկերությունը հունիսի 15-ից կսկսի տարանցիկ չվերթներ իրականացնել Սիմֆերոպոլի միջազգային օդանավակայանից Երևան և հակառակ ուղղությամբ՝ Վլադիկավկազում կանգառով: Այս մասին հայտնում է «ՌԻԱ Նովոստի»-ն։

Թռիչքները կիրականացվեն Embraer E190 ինքնաթիռներով շաբաթական մեկ անգամ, երեքշաբթի օրերին, մինչև հոկտեմբերի 26-ը։ Ընդհանուր ժամանակը ճանապարհին կկազմի մոտ հինգ ժամ:

«Սիմֆերոպոլի և Վլադիկավկազի միջև ուղիղ չվերթները կիրականացվեն ժամանակակից պատմության մեջ առաջին անգամ։ Դրանց գործարկումից հետո դեպի Ղրիմ թռիչքների աշխարհագրությունը կընդլայնվի մինչեւ ռեկորդային 63 ուղղություն», – նշել են ավիաընկերության մամուլի ծառայությունում:

«Սիմֆերոպոլի միջազգային օդանավակայան» ՍՊԸ կոմերցիոն տնօրեն Սերգեյ Դյայկինի խոսքով՝ չվերթները հետաքրքիր կլինեն Սիմֆերոպոլից Հայաստանի մայրաքաղաք ճանապարհորդող ուղեւորների համար:

Հարմարավետ կանգառը Վլադիկավկազում ապահովում է առավել արագ և հարմարավետ թռիչք այս ուղղությամբ: