Տարածաշրջանում հաղորդակցության ուղիների ապաշրջափակման հարցը պետք է պահել ուշադրության կենտրոնում։ Այս մասին այսօր՝ ապրիլի 14-ին, ԱԺ-ում հայտարարեց ՀՀ վարչապետ Նիկոլ Փաշինյանը՝ ներկայացնելով կառավարության 2020 թվականի ծրագրի իրականացման ընթացքի եւ արդյունքների մասին տարեկան հաշվետվությունը:

Նրա խոսքով՝ հիմքեր կան ենթադրելու, որ Ադրբեջանը տորպեդահարում է այդ դրույթի իրականացումը՝ նպատակ ունենալով շարունակել Հայաստանի սահմանների շրջափակումը։ «Մենք մտադիր ենք հետևողականորեն գնալ 2021 թվականի հունվարի 11-ին Մոսկվայում ստորագրված հայտարարության իրականացման ճանապարհով», - խոստացել է Փաշինյանը: Նա ընդգծել է, որ Հայաստանի համար չափազանց կարեւոր է հնարավորինս սեղմ ժամկետներում երկաթուղային հաղորդակցություն ապահովել Ռուսաստանի եւ Իրանի հետ: «Դա կնշանակի, որ Հայաստանը տարանցիկ կապ կապահովի Պարսից ծոցից մինչև Խաղաղ օվկիանոս», - կարծում է վարչապետը։

«Ես կցանկանայի կրկին կոչ անել ձեզ ուշադրության կենտրոնում պահել հարցը, քանի որ, ամենայն հավանականությամբ, Ադրբեջանն ամեն ինչ կանի, որպեսզի թույլ չտա հաղորդակցության ապաշրջափակումը», - հայտարարել է նա: