Իսրայելն իր քաղաքացիներին նախազգուշացրել է չմեկնել Թուրքիա

Մարտի 30-ին Իսրայելն իր քաղաքացիներին նախազգուշացրել է չմեկնել Թուրքիա, Բահրեյն և Արաբական Միացյալ Էմիրություններ: Այս մասին հաղորդագրություն է տարածել Իսրայելի ազգային անվտանգության խորհուրդը, հայտնում է ermenihaber.am-ը:


Նշվում է, որ որոշումը կայացվել է անվտանգության նկատառումներով։


«Վերջին ամիսներին իրանցի խմբերը սպառնացին Իսրայելի թիրախներին: Հունվարին Նոր Դելիում Իսրայելի դեսպանության մոտ պայթյուն որոտաց և Հնդկաստանի պատկան մարմիններն այն կապեցին Իրանի հետ»,-ասվում է հաղորդագրությունում:


Չնայած խորհրդի այս հայտարարությանը՝ այնուամենայնիվ պատկան մարմինները կարծում են, որ այս զգուշացումը պայմանավորված չէ կորոնավիրուսային համավարակով:


Հիշեցնենք, որ Իսրայելն ավելի վաղ հայտարարել էր երկրի սահմանները բացելու մասին: Այդ որոշմամբ Իսրայելի քաղաքացիներին թույլատրվում էր դուրս գալ երկրից:


Նշումներ:

Էջի հասցեն: https://verelq.am/hy/node/84206