Սերբիայում Ադրբեջանի դեսպան Էլդար Հասանովը ձերբակալվել է խոշոր գումար յուրացնելու եւ բյուջետային միջոցները վատնելու կասկածանքով: Ինչպես հաղորդում է "ՌԻԱ Նովոստին", այս մասին օգոստոսի 13-ին հայտնել Է Ադրբեջանի պետանվտանգության ծառայության մամուլի ծառայությունը:
«Ձերբակալվել է Սերբիայում, Չեռնոգորիայում և Բոսնիա և Հերցեգովինայում Ադրբեջանի դեսպան Էլդար Հասանովը։ Նա մեղադրվում է բյուջետային միջոցների խոշոր գումարի ոչ նպատակային ծախսման, փողերի յուրացման եւ այլ իրավախախտումների մեջ։ Էլդար Հասանովը ձերբակալվել է որպես կասկածյալ հետաքննության ընթացքում։ Քրեական գործը գտնվում է քննության փուլում։ Հանրությանը լրացուցիչ տեղեկատվություն կտրամադրվի քրեական գործի քննության մասին», - հայտնել է Պետանվտանգության ծառայության մամուլի ծառայությունը։
Էջի հասցեն: https://verelq.am/hy/node/71191