Թուրքիայի նախագահ Ռեջեփ Թայիփ Էրդողանի ցանկությունը նոր ջրանցք կառուցելու հետ կապված, որը կշրջանցի Բոսֆորը, բախվում է նրա հզոր հակառակորդ Ստամբուլի քաղաքապետ և նախագահի պոտենցիալ թեկնածու Էքրեմ Իմամօղլուի դիմադրությանը:

Էրդողանը Սև ծովը՝Մարմարի ծովին միացնող ջրանցքի կառուցման իր ցանկության մասին հայտարարել էր դեռևս 2011թ.-ին:

Թուրքիայի տրանսպորտի նախարար Մեհմեթ Ջահիդ Թուրհանը հայտարարել է, որ այդ ջրանցքով անցնելու հետևանքով նավերից ստացվող գումարը տարեկան կազմելու է մեկ միլիարդ դոլար:

Նշվում է, որ Էրդողանը մեծ հետաքրքրություն ունի մեգանախագծերի նկատմամբ՝նա արդեն կառուցել է Բոսֆորի վրա երրորդ կամուրջը, Ստամբուլի խոշորագույն օդանավակայանը և այլն:

Ստամբուլի քաղաքապետը դեմ է արտահայտվել այդ ջրանցքի կառուցմանը:

Istanbul Economy Research-ի հարցումը ցույց է տալիս, որ բնակչության շրջանում նախագծի մասին տեղեկացված անձանց թիվը շատ քիչ է: