Այսօր մսավաճառները ակցիա էին անում կառավարության դիմաց: Հենց այն վայրում, որտեղ մեծ աղբաման կա տեղադրված: Ակցիան ավարտվեց, նրանք հեռացան՝ ակցիայի վայրը թողնելով ծխախոտի թափոններ տպավորիչ քանակի տակ: Այս մասին Facebook-ի իր էջում գրել է վարչապետ Նիկոլ Փաշինյանը՝ հավելելով.
«Ու մեր սիրելի մսավաճառները պահանջում են, որ քաղաքացիներին իրենց կողմից միս վաճառելու սանիտարական, սննդի անվտանգության եւ այլ պայմանները չխստացնենք»,- գրել է նա:
Նշենք, որ այսօր կառավարության շենքի դիմաց բողոքի ցույց իրականացնող մսավաճառներն ու ֆերմերները պահանջում են պետությունից ավելացնել սպանդանոցների թիվը, նոր իրենց ինչ-ինչ պահանջներ ներկայացնել: Ըստ ակցիայի մասնակիցների՝ Վայոց ձորի մարզում ընդմանեը մեկ սպանդանոց գոյություն ունի, բայց մարզն ունի 20 գյուղ: Ըստ այդմ, նրանք սխալ են համարում, որ սպանդանոցն է թելադրում գյուղացուն, թե ի՞նչ գնով վերջինս պետք է վաճառի միսը:
«Կառուցեք ապանդանոցներ, ապահովեք, նոր պահանջեք»,- հայտարարում էին նրանք:
Մինչդեռ պետությունը սպանդանոց կառուցելը թողել է հենց մարզերի վրա, իսկ մեկ սպանդանոցի կառուցման գինը կազմում է մոտ 40 մլն դրամ:
ՀՀ ԿԵ սննդամթերքի անվտանգության տեսչական մարմնի ղեկավար Գեորգի Ավետիսյանի խոսքով, Հայաստանում այսօր գործում է 20 սպանդանոց, ևս 20-ը կառուցվում են և առաջիկա մեկ ամսվա ընթացքում կավարտեն։ Բայց նա համաձայնեց, որ հարցը հավելյալ քննարկման կարիք ունի, քանի որ պետության ու սպանդանոցի սեփականատերերի հետ քննարկումներն այլ արդյունք ունեն, իսկ գյուղացիները հնչեցնում են այնպիսի հարցեր, որոնք հավելյալ ուսումնասիրության կարիք ունեն:
Էջի հասցեն: https://verelq.am/hy/node/58563