Այս րոպեներին ՀՀ երկրորդ նախագահ Ռոբերտ Քոչարյանի աջակիցները եւ գործող իշխանության աջակիցները բողոքի ակցիա են իրականացնում Երեւանի ընդհանուր իրավասության դատարանի Շենգավիթի նստավայրի մոտ։ Դատարանն այսօր ժամը 13.00-ին պետք է հրապարակի որոշումը:

Քոչարյանի աջակիցները պահանջում են դատարանից անհապաղ ի կատար ածել ՍԴ որոշումը եւ ազատ արձակել երկրորդ նախագահին, իսկ իշխանության աջակիցները, հակառակը, պահանջում են, որպեսզի Ռոբերտ Քոչարյանին ազատ չարձակվի։ Լարված իրավիճակը պահպանվում է:

Դատարանում են նաև Մարտի 1-ի գործով մեղադրյալ Յուրի Խաչատուրովը, Արմեն Գևորգյանը, Սեյրան Օհանյանը։

Ըստ որոշ տեղեկությունների, կա երեք բերման ենթարկված ցուցարար:

Հիշեցնենք, սեպտեմբերի 4–ին ՍԴ–ն մասնակի բավարարեց ՀՀ երկրորդ նախագահ Ռոբերտ Քոչարյանի դիմումը՝ ՀՀ քրեական դատավարության օրենսգրքի 35-րդ հոդվածի 2–րդ մասը ճանաչելով Սահմանադրությանը հակասող եւ անվավեր։ Այսպիսով արձանագրվեց, որ 35-րդ հոդվածի 2–րդ մասում նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է։