Կարծում եմ, մեր ազգային նշաձողերը առավել ամբողջական դարձնելու համար պետք էր ավելացնել Մարս մոլորակի վրա երկրացիներիս առաջին գաղութը ստեղծելու եւ Ռիմանի հիպոթեզը ապացուցելու խոստումները: Այս մասինFacebook-ի իր էջում գրել է ՀԱԿ համակարգող Լեւոն Զուրաբյանը՝ անդրադառնալով Ստեփանակերտում վարչապետ Նիկոլ Փաշինյանի ելույթին և դրանում հնչած՝ մինչև 2050 թվականի անելիքներին։
Հիշեցնենք, որ Նիկոլ Փաշինյանը կարևորեց հետևյալ խնդիրները, որոնք պետք է լուծվեն մինչեւ 2050 թվականը․
«Ստեղծել 1մլն 500 հազար աշխատատեղ, լուծել 2,5 մլն մարդու զբաղվածության հարց եւ վերացնել աղքատությունը: Հայաստանը դարձնել արդյունաբերական երկիր, 15-պատկել Հայաստանի ՀՆԱ-ն, ունենալ 10 մլրդ դոլար արժեքը գերազանցող առնվազն հինգ հայկական տեխնոլոգիական ընկերություն եւ 10 հազար աշխատող սթարթափ, 7-պատկել միջին աշխատավարձը, բանակի մարտունակության ցուցանիշով տեղ զբաղեցնել առաջատար երկների առնվազն առաջին քսանյակում: Ունենալ աշխարհի 10 ամենաարդյունավետ հետախուզական ծառայություններից մեկը, ապահովել առողջապահական ծառայությունների 100% հասանելիություն, եւ առողջապահության ֆինանսավորումը 20-պատկել, կրթությունը դարձնել ազգային ապրելակերպ, կրթության եւ գիտության ֆինանսավորումը քսանապատկել, Հայաստան այցելող զբոսաշրջիկների թիվը հասցնել 15 մլն: Հայաստանի ֆուտբոլի հավաքականը դարձնել Եվրոպայի եւ կամ Աշխարհի առաջնության մեդալակիր, նվաճել 25 օլիմպիական ոսկե մեդալ եւ շախմատի Աշխարհի անհատական չեմպիոնի կոչումը»:
Էջի հասցեն: https://verelq.am/hy/node/50901