Վերաքննիչ քրեական դատարանը այսօր մերժեց Վահագն Հարությունյանին չկալանավորելու որոշման դեմ ՀՀ գլխավոր դատախազության վերաքննիչ բողոքը։ Վահագն Հարությունյանը չի կալանավորվի։
Այս մասին Ֆեյսբուքյան իր էջում տեղեկացրել է Վահագն Հարությունյանի պաշտպան Միհրան Պողոսյանը։
2008-ի մարտյան արյունալի իրադարձությունների գործը քննած նախկին քննչական խմբի ղեկավարին սկզբում մեղադրանք առաջադրվեց Մարտի 1-ի գործով կարևոր ապացույցներ կեղծելու մեջ։ Ավելի ուշ Հատուկ քննչական ծառայությունը հայտարարեց, որ լրացրել է մեղադրանքը, և Հարությունյանը մեղադրվում է նաև անզգուշությամբ ծանր հետևանքներ առաջացրած պաշտոնեական լիազորությունների չարաշահման և բռնությամբ զուգորդված պաշտոնեական լիազորություններն անցնելու մեջ։
Հարությունյանը շինծու է որակում իրեն առաջադրված մեղադրանքը՝ պնդելով, թե իրեն հետապնդման են ենթարկում։
Նշենք, որ արդեն շուրջ ութ ամիս է Վահագն Հարությունյանը գտնվում է հետախուզման մեջ:
Էջի հասցեն: https://verelq.am/hy/node/50195