«Մեղրի ազատ տնտեսական գոտի» ՓԲԸ-ն որևէ առնչություն չունի նախկին պաշտոնատար անձանց կողմից ապօրինությունների դեպքի հետ, որը բացահայտելու մասին հայտարարել է ՀՀ ոստիկանությունը: Այս մասին Facebook-ի իր էջում գրառում է կատարել ՀՀ տնտեսական զարգացման և ներդրումների նախարարի խոսնակ Աննա Օհանյանը:
«Ինչպես և նշվում է պաշտոնական հաղորդագրության մեջ, խոսքը ազատ տնտեսական գոտու հարակից տարածքների մասին է, որոնք պատկանում են այլ իրավաբանական անձի։
Ուստի, լրատվամիջոցներին կոչ ենք անում այդ համատեքստում չշփոթել և չօգտագործել «Մեղրի» ազատ տնտեսական գոտու անունը, քանի որ դա կարող է բացասաբար անդրադառնալ ԱՏԳ-ի հեղինակության և հետագա գործունեության վրա»,- գրել է Օհանյանը:
Նշենք, որ նախօրեին Ոստիկանությունը տարածեց հաղորդագրություն, համաձայն որի 2014 թվականին Սյունիքի մարզի Կարճևան համայնքում ազատ տնտեսական գոտի ստեղծելու գործընթացի ժամանակ նույն համայնքի ղեկավարի և այլ պաշտոնատար անձանց կողմից թույլ են տրվել չարաշահումներ:
Էջի հասցեն: https://verelq.am/hy/node/42820