Մոսկվայում այսօր կկայանա Լեռնային Ղարաբաղի հիմնախնդրին նվիրված խորհրդակցություն, որին մասնակցելու նպատակով ՌԴ մայրաքաղաք կժամանեն ԵԱՀԿ Մինսկի խմբի համանախագահները: Խորհրդակցությանը կմասնակցի նաև ԵԱՀԿ գործող նախագահի անձնական ներկայացուցիչ Անջեյ Կասպչիկը:
ԱՊԱ-ի հաղորդմամբ, քննարկվելու են ղարաբաղյան հակամարտության կարգավորմանը նվիրված ակտուալ հարցեր: Քննարկումների առանցքում կլինի Վիեննայի և Սանկտ Պետերբուրգի հանդիպումների ժամանակ ձեռք բերված պայմանավորվածությունների կյանքի կոչման գործընթացը:
ՌԴ ԱԳՆ-ում հայտնել են, որ խոսքը պլանային խորհրդակցության մասին է, որոնք պարբերաբար անցկացվում են Վաշինգտոնում, Փարիզում, Մոսկվայում և ունեն նպատակ կոորդինացնել երեք երկրների ջանքերը ղարաբաղյան հիմնախնդրի կարգավորման գործընթացում: Ակնկալվում է, որ ԵԱՀԿ Մինսկի խմբի համանախագահները կհանդիպեն ՌԴ ԱԳՆ ղեկավարության հետ:
Էջի հասցեն: https://verelq.am/hy/node/11126