Armtimes.com-ի թղթակցին քիչ առաջ հաջողվել է տեսանկարահանել ոստիկանության Էրեբունու ՊՊԾ գունդը գրաված Սասնա ծռեր խմբի անդամներից Պավլիկ Մանուկյանին:
Պավլիկ Մանուկյանը հայտարարել է, որ իշխանությունների հետ բանակցություններ, որպես այդպիսին, չկան:
Մանուկյանն ասել է, որ պահանջ ներկայացնողը այնտեղ միայն իրենք ենք, ոչ ոք չի կարող իրենց պահանջ ներկայացնել: Մանուկյանը նաեւ խնդրել է` իրենց մոտ գտնվող ոստիկաններին չանվանել պատանդ: «Նրանք այստեղ մեզ հետ շրջում ու քայլում են հավասար»,- ասել է նա:
Պավլիկ Մանուկյանը նաև կրկնել է ավելի վաղ իր արած հայտարարությունը` նշելով, որ ՀՀ ոստիկանապետ Վլադիմիր Գասպարյանի մասով իր ասածն ուժի մեջ է, իրենք բոլոր չորս ոստիկաններին էլ կտան Գասպարյանի փոխարեն:
Ազատամարտիկը նաև հայտարարել է. «Այստեղ կերտվելու է Նոր Հայաստանը, մենք հեռացնելու ենք իշխանությունների քրեաօլիգարխիկ բանդան: Պահանջում ենք իշխանափոխություն»:
Էջի հասցեն: https://verelq.am/hy/node/9907