Ժամկետային զինծառայող Սուրեն Ավետիսյանի մահվան փաստով ձերբակալվել է նրա ծառայակիցը:
Այս մասին հայտնում են ՀՀ քննչական կոմիտեի տեղեկատվության և հասարակայնության հետ կապերի բաժնից։
Նախնական քննության տվյալներով՝ զինծառայողը մահացու հրազենային վիրավորում է ստացել ծառայակցի կողմից զենքի հետ վարվելու կանոնները խախտելու պատճառով:
VERELQ-ը հիշեցնում է, որ նոյեմբերի 24-ին՝ ժամը 14:50-ի սահմաններում, հայ-ադրբեջանական սահմանագոտու հյուսիսարևելյան հատվածում մարտական հենակետում հայտնաբերվել է ՀՀ ՊՆ N զորամասի զինծառայող, շարքային Սուրեն Ավետիսյանի (ծնված 2001թ.) դին ՝ գլխի շրջանում ստացած մահացու հրազենային վնասվածքով: Զինվորը մահացել է հիվանդանոցի ճանապարհին։
Զինծառայող Սուրեն Ավետիսյանի մահվան դեպքի առթիվ հարուցվել է քրեական գործ ՝ ՀՀ քրեական օրենսգրքի 373-րդ հոդվածի 3-րդ մասով (զենքի, զինամթերքի հետ վարվելու կանոնները խախտելը և շրջակա առարկաների, նյութերի և նյութերի համար ավելի մեծ վտանգ ներկայացնելը, որն անզգուշությամբ առաջացրել է մարդու մահ):
Էջի հասցեն: https://verelq.am/hy/node/98831