Ժամանակը Թուրքիայի օգտին չի աշխատում. մեզ պետք է ժամանակ շահել և այդ ընթացքում վերակազմավորվել, առաջին հերթին փոխել գիտակցությունն ու արժեքային համակարգը: Այս մասին Facebook-ի իր էջում գրել է քաղաքական վերլուծաբան Ստեփան Դանիելյանը՝ ավելացնելով, որ դա առանձին թեմա է, որի մասին պետք են երկար ու խորը քննարկումներ:
«Ինչ վերաբերվում է Թուրքիային, ապա այդ պետության հիմնական խնդիրը քրդական հարցն է, որը գնալով ավելի մեծ ազդեցություն է ունենալու՝ թե դեմոգրաֆիական, թե աշխարհքաղաքական կենտրոնների ստրատեգիաներում քրդերին ավելի մեծ դերակատարություն տալու առումով և դա Թուրքիայում շատ լավ են հասկանում ու հիմիկվա իրենց ագրեսիան հենց այդ՝ ժամանակ չունենալու գիտակցությունից է գալիս»,- հավելել է Դանիելյանը:
Էջի հասցեն: https://verelq.am/hy/node/97199