ԵԱՀԿ Մինսկի խմբի համանախագահներ Իգոր Խովաևը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) հայտնել են Հայաստանի և Ադրբեջանի արտգործնախարարների առաջին հանդիպման մասին, որը տեղի է ունեցել Նյու Յորքում ՄԱԿ -ի Գլխավոր ասամբլեայի 76 -րդ նստաշրջանի շրջանակում, հայտնում է «ՌԻԱ Նովոստին»:
«Համանախագահները առանձին հանդիպումներ ունեցան Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ, ինչպես նաև երկու նախարարների համատեղ հանդիպում... Համանախագահները ողջունում են արտաքին գործերի նախարարների՝ 2020 թվականի նոյեմբերից ի վեր առաջին հանդիպումը, որը նշան է երկու երկրների վճռականության՝ վերսկսել խաղաղության գործընթացը անմիջական երկխոսության միջոցով, որն ուղղված է տարածաշրջանում անվտանգության, կայունության և բարգավաճման ապահովմանը», - ասված է միջնորդների հայտարարության մեջ:
Նշվում է, որ համանախագահները, իրենց մանդատի համաձայն, վերահաստատում են իրենց հանձնառությունը շարունակել աշխատանքը կողմերի հետ` ղարաբաղյան հակամարտության կամ դրանից բխող մնացած բոլոր հարցերին համապարփակ լուծումներ գտնելու համար:
Հայտարարության մեջ միջնորդներն առաջարկել են իրավիճակի նվազեցմանն ուղղված հատուկ նպատակային միջոցառումներ և հնարավոր հաջորդ քայլերը: Հանդիպմանը ներկա է եղել ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Էջի հասցեն: https://verelq.am/hy/node/94818