Եվրամիությունը պատրաստ է շարունակել աշխատել Ադրբեջանի եւ Հայաստանի հետ պատերազմի հետեւանքները հաղթահարելու նպատակով, հայտարարել Է Հարավային Կովկասի եւ Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը, որի խոսքը մեջբերում է "Ինտերֆաքս-Ադրբեջանը":
«30 տարի հակամարտության թողել շատ խորը սպիներ: Ելնելով այն բանից, որ մենք այսօր այստեղ լսեցինք, պետք է հիշել, որ պատերազմը սարսափելի բան է։ Բայց նաեւ պետք է նայել դեպի ապագան: Եվ Եվրամիությունը դրա օրինակն է», — ասել է Կլաարը լրագրողներին Աղդամի շրջան կատարած այցի ընթացքում։
Նրա խոսքով՝ Եվրոպական միությունը պատրաստ է Ադրբեջանի եւ Հայաստանի հետ կիսվել պատերազմի ժառանգության հաղթահարման փորձով։ «Մենք պատրաստ ենք աշխատել Ադրբեջանի եւ Հայաստանի հետ, որպեսզի օգնենք գտնել այլ, ավելի լավ, ապագա», - հավելել է Կլաարը:
Էջի հասցեն: https://verelq.am/hy/node/94370