Հայաստանը շարունակում է մասնատվել առանց իշխանության որևէ դիմադրության։ Այս մասին այսօր՝ սեպտեմբերի 13-ին, ԱԺ ամբիոնից հայտարարեց «Հայաստան» խմբակցության անդամ Գեղամ Մանուկյանը։
Նրա խոսքով՝ նախօրեին Սյունիքում տեղի ունեցածը գաղտնի պայմանավորվածությունների հետևանք է։ «Չկան միջազգային փաստաթղթեր, որոնց հիման վրա ադրբեջանցի ոստիկանական ստորաբաժանումները կարող էին այնտեղ տեղակայվել այդ հատվածում։ Այդ հատվածը գաղտնի փոխանցվել է ադրբեջանական կողմին», - հայտարարել է նա։
Մանուկյանը նշել է, որ Հայաստանի պաշտոնատար անձինք ամենաբարձր մակարդակով, սկսած վարչապետ Նիկոլ Փաշինյանից, սկսել են օգտագործել ադրբեջանական տերմինները։
Էջի հասցեն: https://verelq.am/hy/node/94008